Tá ið eg fari inn á Ríkissjúkrahúsið at vitja, komi eg ofta fram við standmyndini av Niels R. Finsen, har kendi læknin situr hugsanarsamur og grundar. Niels R. Finsen livdi í tíðarskeiðinum 1860 til 1904 og var amtmanssonur. Mamman var úr Danmark og pápin úr Íslandi.Finsen fekk nobelheiðursløn í 1903 fyri at vera ein undangongumaður innan nýskapandi ljósviðgerðir, sum vóru mongum til góða hjálp, sum...
Oyggjaleikir eru á Guernsey í hesum døgum. Føroyingar eru við fyri at kappast við aðrar smærri tjóðir. Áhugavert hevur verið at lesa og síggja myndir við føroyska útisetanum á oynni, Miriam Bisson av Strondum, sum er komin í samband við stóra føroyska ferðaliðið, ið vitjar í løtuni.Miriam hevur búð á Guernsey síðani hon var ung. Maður hennara æt Bryan – ein vinarligur og dámligur maður...
Á hásumri í 1963 stevndi eitt ungdómskór í Ebenezer til Íslands at syngja fyri íslendingum. Kórið hevði sín uppruna í Bíbliuklassanum í Ebenezer og fekk heitið, Sangvitnisflokkurin, sum á íslendskum var umsett til “søngvottasveitin.” Vit fóru við DFDS-skipinum Dronning Alexandrine til Reykjavíkar fyri at syngja á ymsum samkomum, bæði í Reykjavík, Akureyri og aðrastaðni við. Ferðaleiðari var Petur Háberg, røðari (umframt Petur) var Zacharias Zachariassen,...
Susan og eg vóru við synum okkara í farloyvi heima í Føroyum nakrar mánaðar í 1983/84. Vit vóru við til summarlegurnar á Zarepta, har sangurin rungaði við megi millum luttarakar. Mær tóktist, at ein sangur vantaði í, sum setti orð á summarið og vøkru náttúruna rundan um legustaðið á Vatnsoyrum. Og so vórðu orð og lag gjørd, og sangurin introduseraður millum luttakarar á Zarepta. Nakað...
Sigrun Gunnarsdóttir av Eiði var millum tey fyrstu, sum savnaðust í Kristnastovu, eftir at byrjað var á Oxford Allé í 1973. Sigrun fekk listarliga útbúgving í Keypmannhavn og var samstundis ein góður stuðul í verkinum tey ár, hon var í Danmark. Í 1974 gjørdi hon ein málning av einum varða, sum hon gav okkum í Kristnastovu. Hann kom at hanga í samkomuhølinum á Oxford Allé....
Tað er hásummar, og tað sprettir og grør allastaðni rundan um okkum. Fuglarnir láta, og blómulívið er í hæddini. Í Føroyum er bøur og hagi merktur av spælandi smálombum og gyltur av mongu sóljunum, sum standa í blóma hesa tíðina. Erla, systir, hevur skrivað eina yrking, har hon hevur fingið nógv við av tí, sum eyðkennir hásummarið í Føroyum. Hon skrivar á facebook-vanga sínum: Gjørdi...
Eftir at hava sungið í forhøllini á Ríkissjúkrahúsinum týsdagin 30. mai fór Ebenezerkórið heim aftur til Føroya eftir fimm daga ferð í Danmark. Hesar dagarnar um hvítusunnuna vitjaði kórið á fleiri støðum í Jyllandi, steðgaðu á í Odense, og luttóku so á fýra støðum á Keypmannahavnarøkinum: í Kristnastovu, í Føroyahúsinum, í Skovlunde Frikirke og í forhøllini á Ríkissjúkrahúsinum. Hetta vóru góðar og signaðar løtur. Og...
Tað var vikuskiftið 6 -8. februar 1976 at allarfyrsta legan hjá Kristnastovu varð hildin á “Kongelejren” í Norðursjællandi við heilt góðari undirtøku. Ungir føroyskir útisetar í Danmark komu saman til andaligt samfelag, teirra millum fleiri lesandi í Århus – eitt nú Róland í Skorðini, Árni Helmsdal og Johan Poulsen. Harumframt vóru Páll Poulsen og Rodmundur í Liða (sum tá hevði eftirnavnið Nielsen) eisini við, sum...
Hesi tankavekjandi orð um kall til tænastu fann eg einaferð í “The Word for Today” – eitt andaktshefti, sum á donskum ber heitið “Et ord til dagen”. Hesin tekstur er skrivaður út frá tí, ið stendur í Ápostlasøguni 13,2, tá ið Paulus og Barnabas vórðu kallaðir til tænastu. Haldi orðini eru verd at geva gætur og vera her endurgivin, sum eg las tey á enskum:...
Eitt av teimum støðunum, har Ebenezerkórið fer at syngja undir vitjanini í Danmark, er Ríkissjúkrahúsið í Keypmannhavn. Hetta fer fram í forhøllini, har fólk ofta sita og bíða eftir at vera avheintað ella bara rinda møðina. Har stendur eitt flygil frammi, og har eru viðhvørt onkrar sangframførslur, sum kunnu stytta um stundir hjá teimum, sum eru stødd har. Og so sært tú læknar og sjúkrasystrar...