Author: ossur

Juni

Tað er hásummar, og tað sprettir og grør allastaðni rundan um okkum. Fuglarnir láta, og blómulívið er í hæddini. Í Føroyum er bøur og hagi merktur av spælandi smálombum og gyltur av mongu sóljunum, sum standa í blóma hesa tíðina. Erla, systir, hevur skriva eina hásummaryrking, har hon hevur fingið nógv við av tí, sum eyðkennir hásummarið í Føroyum.

Vinarkvøða

Týsdagin 7. juni fylti ein góður vinur og javnaldur, Jógvan Hammer, áttati. Jógvan, sum er ættaður av Eiði, men býr í Havn, gjørdi í mong ár eitt slóbrótandi arbeiði innan upptøkur við kristiligum tilfari. Eitt nú gjørdi hann upptøkur til fleiri plátur, sum komu út í “60unum”. Teirra millum vóru tær tríggjar EP-pláturnar við bólkinum Sangbrøður, ið undirritaði var ein partur av.Tá Jógvan fylti fimti...

Sóljuskrýddu Føroyar

Tað var ein frægd at síggja Føroyaland skrýddar við sóljum, tá vit vóra heima í stuttari vitjan í síðstu viku. Eitt hav av sóljum allastaðni, serliga fram við áir og vøtn. Eisini úti í Sandagerði, har vit ofta fara ein túr, tá vit eru heima, haðani flestu myndirnar niðanfyri eru tiknar. Susan hentaði nakrar teirra í eitt tyssi, sum vit løgdu við grøvina hjá kæru...

Virkar millum børn umborð á Logos Hope

  Arbeiðið umborð á missiónsskipinum Logos Hope var í longri tíð skert av koronu – eins og nógv annað evangeliskt verk í heiminum. Men nú eru betri umstøður aftur at vitja býir og lond, og skipið er í løtuni  á veg til Seville í Spania.Hannah Berghamar, barnabarn okkara, hevur verið við skipinum síðani januar mánaða í 2021. Seinastu tíðina hevur hon arbeidd millum børnini, sum...

Eg leiti mær lívd

Tað er rættiliga ofta at Harrin verður umtalaður í Bíbliuni sum ein klettur hjá fólki sínum, har vit finna lívd, tá óveður er á leiðini, sum ger okkum óttafull. Dávid brúkar hetta orðið í fleiri førum. Hann syngur um Harran, sum verandi sín klett, har hann finnur hjálp, lívd og styrki. Í Sálmi 61 sigur hann seg vera við enda jarðarinnar – hvar tað so...

Farvæl til søguligan sal

Samkoman Berøa í Runavík hevur fingið nýggjan, rúmligan og snotuligan sal, sum nýliga er tikin í nýtslu. Áhugavert var herfyri at síggja góðu umstøðurnar, sum samkoman á staðnum har hevur fingið.Hetta merkir so, at hin gamli, søguligi salurin fer at vera niðurtikin – og ivaleyst fylgir eitt sindur sorgblídni við hjá mongum. Salurin er søguligur í dupultum týdningi, tí hann er bæði gamla Berøa og...

Páskastevna við gevandi innihaldi

Eftir tvey ár við koronu farssóttini, sum skerdi samkomulívið í longri tíð, er tað gleðiligt at eygleiða, hvussu møti og samkomulív aftur kann fara fram eins og áður bæði her í Danmark og í Føroyum.  Eisini árligu stevnurnar eru komnar í lag aftur, og tað kendist gott at vera við til eina páskastevnu í Eysturoynni undir føroyaferð okkara í apríl. Stevnan har var hesuferð hildin...

Hvat kann heimurin tær geva

Um veturin 1970/71 varð byrjað við  midnáttarsamkomum í Ebenezer í Havn. Hvørt fríggjakvøld leitaðu mong ung inn í Ebenezer fyri at fáa ein drekkamunn – mong teirra komu beinleiðis úr dansihølum í býnum. Á hesum samkomum varð sungið, samtalað og vitnisburðir bornir fram. Skarin var til tíðir heilt stórur.Sangurin “Hvat kann heimurin tær geva” varð skrivaður í  samband við eina ólavsøku, og Sangbrøður framførdu hann...

Páskaliljurnar

Tað var ein av teimum myrku og stormfullu novemberdøgunum. Eg var til handils í Irma og fekk eyga á ein kassa við páskaliljuleykum til niðursettan prís. Tað var eitt sindur seint á árinum at planta leykir, men tað kann viðhvørt vera eitt sindur ringt at standa ímóti einum góðum tilboði.Eg visti, at teir máttu plantast beinanvegin, so í skýmingini – gird í regnfrakka og gummistylvum...

Við trónu Guds

“Before the throne of God above” er ein  eldri, enskur sálmur, sum umtalar høvuðsprest okkara í himli og týðandi tænastu Hansara við høgru hond Guds, har Hann talar okkara søk. Sálmurin er skrivaður av írskari kvinnu, Charitie Lees Smith (1841 – 1923) og er eitt dømi um, at eitt nýtt lag kann geva einum gomlum sálmi lív og flog. Amerikanska kvinnan Vikky Cook skrivaði í...