Tað var vikuskiftið 6 -8. februar 1976 at allarfyrsta legan hjá Kristnastovu varð hildin á “Kongelejren” í Norðursjællandi við heilt góðari undirtøku. Ungir føroyskir útisetar í Danmark komu saman til andaligt samfelag, teirra millum fleiri lesandi í Århus – eitt nú Róland í Skorðini, Árni Helmsdal og Johan Poulsen. Harumframt vóru Páll Poulsen og Rodmundur í Liða (sum tá hevði eftirnavnið Nielsen) eisini við, sum...
Nú eru fáar dagar til jóla, og stórt tal av yngri útisetum eru farnir heim til Føroya at halda jól. Møtini seinasta mánaðan hava verið merkt av tí góða boðskapi, sum eru knýtt til jólini: at Jesus, Frelsari heimins, varð føddur inn í hendan heim fyri um 2000 árum síðani. Hann kom fyri at taka burt syndir okkara og seta okkum í frælsi. Orðið hevur...
Í mong ár hevur verið siður hjá okkum í Kristnastovu at savna tey, sum eru komin upp árini, til ein góðan bita við føroyskum viðskera, syngja jólasangir og luta nakrar tankar eisini frá orði Guds. Í koronatíðina var hetta ikki gjørligt, men nú er alt við tað gamla, og mikudagin 7. desember høvdu vit ta árligu seniorsamkomuna fram móti jólum. Og enn einaferð fingu vit...
Í døgunum 20 – 23. oktober var lega í Norðursjællandi. Nógvir luttakarar vóru hesaferð – upp ímóti 140 tilsamans. Eitt sindur váttligt var í veðrinum, men kortini vóru hetta góðir dagar fyri talríku luttakararnar, har Orðið varð talað, høvi var til vitnisburðir og nógvur lovsangur var at hoyra. Tað var Jógvan Júst Rasmussen, sum hevði bíbliutímarnar hesarferð og tosaði um Jákup, ættarfaðirin í Gamla Testamenti...
Mikudagin seinnapart 28. september kl. 15 hittust seniorarnir enn einaferð til samkomu í Kristnastovu. Um 35 fólk hugnaðu sær væl hendan seinnapartin, har vit fingu ein góðan drekkamunn og eitt hugfarsligt prát við ymisku borðini. Og sum vanligt er, tóku vit okkum tíð til at syngja saman. Vit sungu kendar andaligar sangir, sum “Lívsæla vissa, Jesus er mín” og “Vit ferðast heim” – og eisini...
Soleiðis sá tað út frá glugganum í miðhæddini í Kristnastovu sunnudagin 22. mai, tá tað var familjudagur. Fyrst var vanliga møtið hildið, og síðani kundu børn og vaksin hugna sær uttanfyri við hoppiborg, grillmati, spølum og práti.Veðrið var gott hendan dagin, og sum tað sæst hugnaðu børn og vaksin sær óført í stóra urtagarðinum, sum kemur til sín rætt ein slíkan dag. Og so...
Summartíðin plagar at vera merkt av, at vit ikki eru so mong, sum koma til regluligu møtini í Kristnastovu, m.a. tí tey allarflestu ungu lesandi eru heima í summarfrí. Í ár hava vit tó verið væl fleiri enn vanligt er. Millum teirra, ið hava vitjað, hava verið fleiri fyrrverandi útisetar, sum vit lærdu at kenna, tá tey vóru undir útbúgving herniðri. Eisini hava fleiri teirra,...
Samkoman Berøa í Runavík hevur fingið nýggjan, rúmligan og snotuligan sal, sum nýliga er tikin í nýtslu. Áhugavert var herfyri at síggja góðu umstøðurnar, sum samkoman á staðnum har hevur fingið.Hetta merkir so, at hin gamli, søguligi salurin fer at vera niðurtikin – og ivaleyst fylgir eitt sindur sorgblídni við hjá mongum. Salurin er søguligur í dupultum týdningi, tí hann er bæði gamla Berøa og...
Eftir tvey ár við koronu farssóttini, sum skerdi samkomulívið í longri tíð, er tað gleðiligt at eygleiða, hvussu møti og samkomulív aftur kann fara fram eins og áður bæði her í Danmark og í Føroyum. Eisini árligu stevnurnar eru komnar í lag aftur, og tað kendist gott at vera við til eina páskastevnu í Eysturoynni undir føroyaferð okkara í apríl. Stevnan har var hesuferð hildin...
Hendan reglan frá einum av okkara kendu vársangum datt mær í hug eftir morgunmøti í Kristnastovu hendan sunnudagin 20. mars. Møtið var av, og tá fólk høvdu fingið ein drekkamunn, leitaðu nøkur teirra útum í góðveðrinum og hugnaðu sær har í góðum práti. Várið var á veg, sólin skein fagurliga, og hitin mundi vera um 12 gradir. Enn er plantulívið ikki rættiliga vaknað úr dvala,...