Hesa mynd tók eg á páskastevnu á Zarepta umleið 1968-69. Her sæst ein aldrandi tænari Harrans, Andrew Sloan, sonur William G. Sloan, trúboðara, saman við Óla á Grømma Jacobsen, ið var farin út í tænastu nakað frammanundan – síðani tveir heimatrúðboðarar, Zacharias Zachariassen og Brynleif Hansen. Uttast til høgru sæst Jonna Sivertsen, ið stutt aftaná flutti saman við manni sínum, Hans, til Grønlands at virka...
Eg haldi hesa myndina frá 1982 vera áhugaverda. Hon er tikin í urtagarðinum í Kristnastovu ein summardag í 1982. Henda dagin var ein samkoma fyri kvinnur, og tiltakið savnaði eldri og yngri kvinnur saman hendan dagin. Her síggjast eldri kvinnur, sum hava búð í Keypmannahavn í eitt longri tíðarskeið – ivaleyst hava fleiri teirra verið her undir krígsárunum. Nakrar teirra savnaðust vanliga í donsku samkomuni...
Tá ið eg fari inn á Ríkissjúkrahúsið at vitja, komi eg ofta fram við standmyndini av Niels R. Finsen, har kendi læknin situr hugsanarsamur og grundar. Niels R. Finsen livdi í tíðarskeiðinum 1860 til 1904 og var amtmanssonur. Mamman var úr Danmark og pápin úr Íslandi.Finsen fekk nobelheiðursløn í 1903 fyri at vera ein undangongumaður innan nýskapandi ljósviðgerðir, sum vóru mongum til góða hjálp, sum...
Á hásumri í 1963 stevndi eitt ungdómskór í Ebenezer til Íslands at syngja fyri íslendingum. Kórið hevði sín uppruna í Bíbliuklassanum í Ebenezer og fekk heitið, Sangvitnisflokkurin, sum á íslendskum var umsett til “søngvottasveitin.” Vit fóru við DFDS-skipinum Dronning Alexandrine til Reykjavíkar fyri at syngja á ymsum samkomum, bæði í Reykjavík, Akureyri og aðrastaðni við. Ferðaleiðari var Petur Háberg, røðari (umframt Petur) var Zacharias Zachariassen,...
Sigrun Gunnarsdóttir av Eiði var millum tey fyrstu, sum savnaðust í Kristnastovu, eftir at byrjað var á Oxford Allé í 1973. Sigrun fekk listarliga útbúgving í Keypmannhavn og var samstundis ein góður stuðul í verkinum tey ár, hon var í Danmark. Í 1974 gjørdi hon ein málning av einum varða, sum hon gav okkum í Kristnastovu. Hann kom at hanga í samkomuhølinum á Oxford Allé....
Í 1959 kom ein myrkhærdur unglingi av Sandi til Havnar. Hann fór at arbeiða hjá Peturi í Gong, har hann lærdi til húsasmið. Hann varð andaliga vaktur og fór at ganga á møti í Ebenezer. Hann tók eina andaliga støðu og fór at savnast við øðrum ungum í samkomuni. Hann var sera musikalskur og spældi bæði harmoniku og urgu, og tað kom bæði verkinum millum...
Andaligi sangurin hevur frá fyrsta degi havt sítt stóra pláss á møtum og samkomum í Kristnastovu. Lovsangur og felagssangur hevur ljóðað, men eisini framførdir sangir, solosangir og sangir, sungnir av smærri bólkum. Ja, eisini sangkór hava verið at hoyrt av og á. Í 1983 var fyrsta royndin gjørd, tá eitt kór fór undir at venja og varð stjórnað av Ólavi Jøkladal, ið tá var í...
Nú ið tað seinni í ár verða fimti ár, síðani vit fóru undir eitt evangeliskt verk millum føroyingar á Amager, fekk eg hug at steðga á á okkara gomlu adressu og taka onkrar myndir. Hetta var á Oxford Allé, sum ikki er langt frá Birmavej – umleið hálvan annan kilometur haðani. Har búleikaðust vit í nærum seks ár. Sæð uttanífrá er tó ikki nógv broytt....
Sum farið er inn í árið 2023 við tess 365 døgum, og vit ynskja hvørjum øðrum eitt gott nýggjár, er gott at minnast, at vit øll fáa bert ein dag í senn í hesum nýggja, ókenda ári. Vit hava helst fingið okkara 2023-kalendarar og skulu nú at føra tað inn, sum vit skulu minnast av føðingardøgum og øðrum merkisdøgum. Yngra ættarliðið nýtir ivaleyst teirra digitalu...
Í samband við føðingardagin hjá pápa okkara, Sigurd Berghamar, beint fyri jól, skrivaði Erla hesa hugleiðing á facebookvanga sínum: 112 ár liðin, síðan babba varð føddur 22. desember 1910 í Konradsbrekku í Havn. Brekkan varð nevnd eftir abba hansara í móðurlegg, Conrad Nicolaisen, sum var tann fyrsti, ið bygdi heilt har úti, tá ið Havnin var lítið meir enn á Reyni, í Gongini og har...